11.01.2024
"Сустракаем каляду"
Сёння як ніколі важна далучаць дзяцей да народных традыцый Радзімы, знаёміць іх з фальклорнымі святамі і выхоўваць павагу да бацькаўшчыны. Менавіта таму падобныя мерапрыемствы ў нашай дашкольнай установе праходзяць часта.
У музычнай зале, прыбранай, як сялянская хата, гасцей сустракалі гаспадыня з гаспадаром. Прыходзілі калядаваць Дзед Каляднік, Каза, Чорт, Цыганка. Калядоўшчыкі атрымалі гасцінцы ад гаспадыні з гаспадаром, а госці пажадалі ім на ўвесь год: “Каб нажалі сто коп жыта, каб сям’я была ўся сыта! Сто гадоў жывіце, дзетак расціце”.
Было цікава і весела. Свята не толькі прынесла радасць нашым выхаванцам, але і дало магчымасць дакрануцца да традыцый і звычаяў беларусаў, самім адчуць хараство народных абрадаў.
