29.02.2024
“Па старонках роднай мовы”
Мы павінны вучыць сваіх дзяцей
разумець і любіць сваю родную мову!
Кожны чацвер выхавацелi ДУА “Дзіцячы сад № 2 г. Ганцавічы” праводзяць дзень беларускага маўлення. Заняткі па развіццю беларускага маўлення праходзяць ў форме гульні. Выхаванцы вучацца называць прадметы на беларускай мове, перакладаць і завучваць невялікія тэксты. Акрамя заняткаў існуюць іншыя цікавыя формы работы:праводзіцца мастацка-моўная дзейнасць з выкарыстаннем твораў беларускай дзіцячай літаратуры, дыдактычныя гульні, забавы і інш.
Вось і сёння, 29 лютага ў дашкольнай установе прайшоў беларускамоўны дзень. Выхавальнік спецыяльнай групы, Гардзей Людміла Іосіфаўна з дзецьмі правяла гульню забаву “Па старонках роднай мовы”. Дзеці разам з Бульбашыкам гулялі ў беларускія гульні: “Кола знаёмстваў”, “Лапці”. Знаёмілі госця Бульбашыка з беларускім арнаментам, замацоўвалі назвы прадметаў і рэчаў па-беларуску.
Мэта забавы была напраўлена на актывізацыю ў дзяцей устойлівай цікавасці і станоўчых адносін да беларускай мовы і беларускіх гульняў; узбагачэнне слоўнікавага запасу дзяцей, заахвочванне беларускім маўленнем.